Í ársbyrjun 2005 skipaði forsætisráðherra níu manna nefnd til að endurskoða Stjórnarskrá lýðveldisins Íslands. Henni til aðstoðar er fjögurra manna sérfræðinganefnd. Samkvæmt vinnuáætlun nefndarinnar er stefnt að því að frumvarp til breytinga á stjórnarskránni liggi fyrir ekki síðar en í árslok 2006.

Nefndin hvetur til víðtækrar umræðu í þjóðfélaginu um stjórnarskrána og breytingar á henni. Hyggst hún leggja sitt af mörkum til þess að sú umræða geti byggst á greinargóðum upplýsingum um starf nefndarinnar, íslenska stjórnskipun og stjórnarskrárþróun í nágrannalöndum. Erindi frá félagasamtökum og stofnunum sem og önnur bréf sem berast verða lögð fyrir nefndina og birt á heimasíðu hennar (sjá leiðbeiningar um erindi til nefndarinnar).

Á heimasíðunni má einnig finna upplýsingar um fyrirhugaðar ráðstefnur og fundi sem tengjast endurskoðun stjórnarskrárinnar (vinsamlegast sendið tilkynningar til postur@for.stjr.is).

Lýðveldishátíðin 17. júní 1944.