Fullveldið og Ísland í alþjóðasamstarfi

Hátíðarmálþing Orators, félags laganema fer venju samkvæmt fram í tengslum við árshátíð Orators þann 16. febrúar nk. Yfirskrift þess er "Þarf að endurskoða gildandi ákvæði stjórnarskrárinnar er lúta að fullveldinu?"

Á hátíðarmálþinginu verður m.a. leitast við að svara þeirri spurningu hvort ástæða sé til að setja í stjórnarskrá ákvæði um þátttöku í alþjóðlegu samstarfi og hversu rúmar heimildir til þess eru æskilegar. Á t.d. að taka upp í stjórnarskrána heimild til framsals á einstökum þáttum ríkisvalds til alþjóðlegra stofnana að uppfylltum tilteknum skilyrðum?

Fyrirlesarar eru þau Dr. Ólafur Þ. Harðarson prófessor í stjórnmálafræði, Kristrún Heimisdóttir hjá Samtökum Iðnaðarins og Birgir Ármannsson alþingismaður, en þau tvö síðastnefndu eiga sæti í stjórnarskrárnefnd.

Málþingið verður haldið í Norræna húsinu og hefst klukkan 12:15. Áætlað er að það standi ekki lengur en í tvo tíma.  Eftir málþingið verður svo haldið yfir í Lögberg þar sem boðið verður upp á léttar veitingar.