Ráðstefna 11. júní um endurskoðun stjórnarskrárinnar

Nefnd um endurskoðun stjórnarskrár lýðveldisins Íslands boðar til ráðstefnu um endurskoðun stjórnarskrárinnar laugardaginn 11. júní 2005 á Hótel Loftleiðum, sjá dagskrá ráðstefnunnar. Tilgangurinn er að leggja grunn að upplýstri umræðu um stjórnarskrána og umbætur á henni og kalla eftir hugmyndum frá félagasamtökum og almenningi sem nýtast munu þegar nefndin mótar tillögur sínar.

Að loknum almennum inngangserindum verða þrjár málstofur um málefni sem verða ofarlega á baugi í endurskoðunarvinnunni: Lýðræði, þrískiptingu ríkisvalds og stöðu Íslands í alþjóðlegu umhverfi.

Samkæmt dagskrárdrögum er tími tekinn frá í hverri málstofu fyrir almenn félagasamtök að koma sjónarmiðum sínum á framfæri. Á annan tug félagasamtaka skráði sig til formlegrar þátttöku í ráðstefnunni innan tilskilins frests 15. maí sl.

Ráðstefnan verður öllum opin á meðan húsrúm leyfir. Sæti verða frátekin fyrir þá sem skráðu sig innan tilskilins frests.

• Stjórnarskrá til framtíðar - dagskrá ráðstefnu (DOC - 40Kb)